Phir Mulaqat Hogi Kabhi

●●●●●

Toh kya hua juda huye
Magar hai khushi mile toh the..
Toh kya hua mude raaste
Kuchh door sang chale toh the....

Dobara milenge kisi mod pe
Jo baaki hai woh baat hogi kabhi
Chalo aaj chalte hain hum...

Phir mulaqat hogi kabhi
Phir mulaqat hogi kabhi....

Juda ho rahe hain kadam
Phir mulaaqat hogi kabhi....

Dukhaun main dil jaate jaate tera
Mera aisa koyi irada nahi
Chhupa loonga main hans ke aansu mere
Yeh teri khushi se toh zyada nahi....

Jo bichhde nahi toh phir kya maza
Zaroori hai rehni bhi thodi kami
Nahi hoga kuchh bhi khatam
Phir mulaaqat hogi kabhi....

Sitaron ki iss bheed ko gaur se
Ek aakhri baar phir dekh lo
Ye jo doh alag hai baithe huye
Ye tum ho ye main hu ye maan lo
Ye din mein nahi nazar aayenge
Magar kal ko jab raat hogi kabhi...

Jo ye roshni hogi kam...
Phir mulaqat hogi kabhi...
Juda ho rahe hain kadam ..
Phir mulaqat hogi kabhi...